Kuchh kaho na !
Sau janam ka saath apna,
Saans ka dhadkan se jaise,
Aaas ka jeevan se jaise,
Kaise kate saal solah,
Shyam ki jogan ke jaise.
Jhoot ke parde na dhoondo,
Sach kaho na .
Kuchh kaho na ..
Ek dooje ke liye hum,
Haath main kangan ke jaise,
Sawan main pyas ke jaise,
Roop ko darpan ke jaise,
Bhakt ko bhagwan jaise.
Jheel si simtee na baitho,
Kuchh baho na .
Kuchh kaho na ..
Jaanta hoon thak gayee ho,
Umra ke lambe safar se,
Saanp se daste zahar se,
Aas se aur aansoon se,
Bheed ke gahare bhawanar se.
Waqt firta hai suno,
Itna daro na .
Kuchh kaho na ..
Kis tarah ladtee rahe ho,
Pyaas se parchhaiyon se,
Neend se , angadaiyon se,
Maut se aur zindagi se,
Teej se ,tanahaiyon se.
Sab tapasya tod dalo,
Ab saho na
Kuchh kaho na !!
Kuchh kaho na !!
hope u like it n pls pas the comment
self - written
Back to Community Shelf
No Nickels Awarded![[Post New]](/templates/default/images/icon_minipost_new.gif){kind=icon}
222
